Kuburan Punden

Kuburan Punden

            Nang Kab. Jember, ana salah sawiji deso kang jenenge Bagorejo. Deso iki ana neng pesisir segoro kidul kang wus kondang kalian cerito Kenjeng Ratu Kidul. Ananging, cerito iki ora ana hugungane karo cerito Kanjeng Ratu Kidul, cerito iki  nyeritake kuburan sing ana nang desoku Bagorejo. Kuburan iki jenenge kuburan punden, kuburan sing wis ana suwi sak durunge jaman penjajahan.

            Kuburan iki nyimpen akeh cerito mistis kang dialami kalian warga masyarakat sekitar. Akeh kang wis dipetuki karo penghuni-penghuni sing ono nag kuburan punden. Gak jarang pisan, ono seng dijaili lan digawe dolanan karo makhluk alus sing nungguk nang kuburan punden.

            Contone, disek ana arek-arek cilik seng dolan sampek wektu surup, bocah-bocah iki digowo karo salah sijine penungguk nang kuburan punden. Lapangan iku rodo jembar, lan amergo akeh wet gede, dadi ora kesentrong panase serngenge pas waktu awan. Lapangan iku sering digae dulinan bal-balan karo bocah-bocah cilik. Tapi pas waktu meh surup, bocah-bocah iku gage-gage bali amergo keweden karo kuburan punden.

            Pas waktu iku bocah-bocah sing ilang mau koyo dilenakne ben ora dang bali nang omahe dewe-dewe. Bocah-bocah mau iseh dolanan sampek bar magrib. Nah poro wong tua ne bocah-bocah mau bingung amergo anake durung podo bali, akhire poro wong tuwo bocah-bocah mau cobo tekn nang konco-koncone anake. Akhire kabeh warga deso dadi gempar amergo kedaden iku, kabeh podo goleki bocah-bocah seng ilang.

            Sakdurunge surop, ana warga seng delok bocah-bocah seng ilang lagi dolanan nang lapangan sanding kuburan punden. Akhire poro warga cobo goleki nang sekitar lapangan sanding kuburan punden. Sakwise digoleki muter-muter, bocah-bocah iku ora ketemu, sampek gawe warga deso mumet dewe amergo ora biso nemokake bocah-bocah mau. Sak teruse, wong tuane bocah-bocah lan poro warga mau marani Mbah Kuspangat, salah siji tetua nang deso ku.

            Jere Mbah Kus, bocah-bocah kuwi didelekne karo wewegombel, salah siji penunggu nang kuburan punden. Langsung, poro wong tua, di barengi Mbah lan warga deso Kus budal nang kuburan punden gawe goleki bocah-bocah seng didelekne karo wewegombel iku. Poro warga gowo kentongan lan alat-alat liane gawe tetabuhan supoyo wewegombele wedi lan balekne bocah-bocah mau.

            Awale ora ono hasile, bocah-bocah mau tetep ora ketemu masio warga wis nabuh kentongan lan alat-alat lian. Terus Mbah Kus, ngongkon poro warga meneng sediluk, Mbah Kus lunguh silo karo sendakep, madep nang kuburan punden. Ora suwi, bocah-bocah seng ilang mau, muncul soko burine wit asem gede siseh tengen kuburan punden. Bocah-bocah iku koyo linglung, koyo-koyo mari digendam, dadi kesadarane durung balik utuh.

            Sampek nang omah, salah sijine bocah seng ilang mau cerito, lek digowo karo wong wedok, seng susne gede. Nang kono deke diwenehi akeh jajanan seng ora tau dipangan bocah-bocah mau. Terus, moro-moro bocah seng cerito mau mutah, uatah-utahane duduk sego, utowo panganan seng dipangan mau. Utah-utahane rupo batang tikus, karo taine menungso seng ambune badek. Kedaden seng podo dialami karo bocah-bocah lio sak barenge seng digowo karo wewegombel iku mau.

            Sakwise kedaden iku ora ana maneh bocah-bocah seng wani dulinan nang lapangan pinggir kuburan punden, opo meneh waktu surup. Kabeh podo wedi kedaden seng podo bakal ngapiri marang deke. Poro wong tuo yo nguwanti-wanti anak-anake, supoyo ora metu wayah surup, amergo wedi dicolong wewegombel.

            Wis akeh kedaden aneh seng dadi nang kuburan punden sakdurunge lan sak wise kedaden bocah-bocah ileng iku. Contone pallek ku dewe waktu lewat kuburan iku waktu meleh soko kerjo. Paklek ku dinunuti karo wong wedok gae kalmbi putih sang rambute dowo sak lemah. Terus enek wong seng pernah dipetuki bocah-bocah cilik edas plontos pas lewat nang ngarep kuburan punden. Ana maneh Kang Ran tukan bakso, deweke dipetuki karo gondoruwo seng duwure sak wit kelopo. Tapi anehe mari deipetuki karo gondoruwo, sesuke baksone Kang Ran laris diborong karo wong.

            Kabeh kedaden mau tetep nang sektar panggonane kuburan punden. Kuburan punden tetep nyimpen misteri saking penunguk alam gaib seng ana nang kunu. Akeh penunguk-penunguk seng ana nang keburan punden durung ngetokke wijude. Tapi kuburan punden tetap dadi panggonan seng anker lang kramat kanggo masyarakat nang deso ku. Amergo iku, ora ono seng wani nyedeki kuburan punden masio wong iku duwe ngelmu.

Malang, 6 Januari 2020